TBR Football хабарига кўра, "Манчестер Юнайтед" ёзда Лерой Санени сотиб олиш бўйича таклиф олган. Клуб аллақачон воситачилар билан боғланган, аммо рақобат жиддий бўлади.
Барча қийинчиликларга қарамай, "Манчестер Юнайтед" ҳали ҳам топ футболчиларни ўзига жалб қилмоқда. Сане вакиллари билан ишлаётган воситачилар аллақачон бир қанча клублар, жумладан, "Манчестер Юнайтед" билан алоқада бўлишган.
"Бавария"нинг 29 ёшли вингери ёзда эркин агентга айланиши мумкин. Унинг мюнхенликлар билан шартномаси тугайди, ҳозирда келишувни узайтириш бўйича музокаралар ижобий натижа бермаяпти.
Ушбу мавсумда вингер “Бавария” сафида барча турнирларда 34 та ўйинда майдонга тушиб, 8 та гол ва 4 та голли узатмага муаллифлик қилган.
