TBR Football xabariga ko‘ra, "Manchester Yunayted" yozda Leroy Saneni sotib olish bo‘yicha taklif olgan. Klub allaqachon vositachilar bilan bog‘langan, ammo raqobat jiddiy bo‘ladi.
Barcha qiyinchiliklarga qaramay, "Manchester Yunayted" hali ham top futbolchilarni o‘ziga jalb qilmoqda. Sane vakillari bilan ishlayotgan vositachilar allaqachon bir qancha klublar, jumladan, "Manchester Yunayted" bilan aloqada bo‘lishgan.
"Bavariya"ning 29 yoshli vingeri yozda erkin agentga aylanishi mumkin. Uning myunxenliklar bilan shartnomasi tugaydi, hozirda kelishuvni uzaytirish bo‘yicha muzokaralar ijobiy natija bermayapti.
Ushbu mavsumda vinger “Bavariya” safida barcha turnirlarda 34 ta o‘yinda maydonga tushib, 8 ta gol va 4 ta golli uzatmaga mualliflik qilgan.













