Италиянинг “Рома” клубининг асосий футболчиси операцияга муҳтожлиги сабабли мавсумнинг қолган қисмида майдонга туша олмайди.
Sky Sport Italia хабарига кўра, 31 ёшли Пауло Дибала ва клуб футболчининг чап оёғидаги сон пайлари жароҳати туфайли яқин кунларда операция қилинишига келишиб олган. Бу аргентиналик футболчининг бу мавсумда бошқа майдонга тушмаслигини англатади.
Энг яхши вариант бўлган жарроҳлик операцияси билан Дибалада оптимал ва тўлиқ тикланиш учун кўпроқ вақт бўлади, деб ишонилади.
Жорий мавсумда Пауло Дибала “Рома” сафида барча турнирлар доирасида 36 та ўйинда иштирок этиб, 8 та гол ва 4 та голли узатмага муаллифлик қилди.
