Italiyaning “Roma” klubining asosiy futbolchisi operasiyaga muhtojligi sababli mavsumning qolgan qismida maydonga tusha olmaydi.
Sky Sport Italia xabariga ko‘ra, 31 yoshli Paulo Dibala va klub futbolchining chap oyog‘idagi son paylari jarohati tufayli yaqin kunlarda operasiya qilinishiga kelishib olgan. Bu argentinalik futbolchining bu mavsumda boshqa maydonga tushmasligini anglatadi.
Eng yaxshi variant bo‘lgan jarrohlik operasiyasi bilan Dibalada optimal va to‘liq tiklanish uchun ko‘proq vaqt bo‘ladi, deb ishoniladi.
Joriy mavsumda Paulo Dibala “Roma” safida barcha turnirlar doirasida 36 ta o‘yinda ishtirok etib, 8 ta gol va 4 ta golli uzatmaga mualliflik qildi.
