Madridning «Real» klubi yangi yulduz yarim himoyachini tanladi. «Qaymoqranglilar» «PSJ» xavbeki Joau Neveshni o‘z safiga qo‘shib olmoqchi. Bu haqda «COPE» nashri xabar bermoqda.
Neveshning transferiga «Real» prezidenti Florentino Peresning o‘zi shaxsan qiziqish bildirmoqda. U bitimni imkon qadar tezroq yakunlamoqchi va muzokaralarni shaxsan qo‘llab-quvvatlayapti.
«Real»da Joau Neveshning salohiyati yuqori baholanmoqda. Madridliklar uni 2026 yilgi yozgi transferlar oynasidagi asosiy maqsadlaridan biri sifatida ko‘rmoqda. Eslatib o‘tamiz, avvalroq klubning «Chelsi» futbolchisi Enso Fernandesni xarid qilish bo‘yicha rejasi amalga oshmay qolgan edi.
