Мадриднинг «Реал» клуби янги юлдуз ярим ҳимоячини танлади. «Қаймоқранглилар» «ПСЖ» хавбеки Жоау Невешни ўз сафига қўшиб олмоқчи. Бу ҳақда «COPE» нашри хабар бермоқда.
Невешнинг трансферига «Реал» президенти Флорентино Переснинг ўзи шахсан қизиқиш билдирмоқда. У битимни имкон қадар тезроқ якунламоқчи ва музокараларни шахсан қўллаб-қувватлаяпти.
«Реал»да Жоау Невешнинг салоҳияти юқори баҳоланмоқда. Мадридликлар уни 2026 йилги ёзги трансферлар ойнасидаги асосий мақсадларидан бири сифатида кўрмоқда. Эслатиб ўтамиз, аввалроқ клубнинг «Челси» футболчиси Энцо Фернандесни харид қилиш бўйича режаси амалга ошмай қолган эди.













