Франция терма жамоаси ва Мадриднинг "Реал" клуби ярим ҳимоячиси Орельен Тчуамени октябрь ва ноябрь ойларидаги ўйинларни ўтказиб юборган ҳужумчи Килиан Мбаппенинг терма жамоага қайтиши ҳақида гапирди.
"Унинг қайтганидан жуда хурсандман. Биз бу ҳақда клубда гаплашдик. Унинг қайтгиси жуда ҳам келганди. У терма жамоага ўзига хос қувонч олиб келди. Килиан - етакчи ва у биз билан бўлганидан жуда хурсандмиз," - дея Тчуаменининг сўзларини келтиради «AS».
Бугун, 23 март куни Франция терма жамоаси УЕФА Миллатлар лигаси 1/4 финал жавоб ўйинида Хорватияга қарши майдонга тушади.
