"Манчестер Сити"нинг собиқ ҳимоячиси, ҳозирда Бразилияда "Фламенго" шарафини ҳимоя қилаётган Данило Хосеп Гвардиола билан бирга ишлаганини эслади.
Бразилиялик футболчи "шаҳарликлар" сафига 2017 йилда Мадриднинг "Реал" клубидан келиб қўшилган ва икки йилдан сўнг "Ювентус"га сотиб юборилганди.
"Гвардиола футболчиларни тайёрлайди - бу унинг ишидаги энг муҳим нарса. У ҳаммани футбол ҳақида бир хил фикрлашга мажбур қилади. Вақт, макон, ҳаракат, тўпга эгалик қилиш.
У билан майдондаги бўшлиқни ҳар қандай мураббийдан кўра яхшироқ тушунасан. Пеп яхши маънода миямни тозалади. Мен гўё университетда ўқигандекман.
"Манчестер Сити"га келишдан олдин аҳмоқ бўлмаганман, лекин аввал нотўғри футбол ўйнаганимни тушундим. Агар Гвардиола билан эртароқ учрашганимда, мен учун ҳаммаси осонроқ бўларди. У билан ишлаш насиб этганидан хурсандман," - дея Данилонинг сўзларини келтиради City Xtra.
