"Manchester Siti"ning sobiq himoyachisi, hozirda Braziliyada "Flamengo" sharafini himoya qilayotgan Danilo Xosep Gvardiola bilan birga ishlaganini esladi.
Braziliyalik futbolchi "shaharliklar" safiga 2017 yilda Madridning "Real" klubidan kelib qo‘shilgan va ikki yildan so‘ng "Yuventus"ga sotib yuborilgandi.
"Gvardiola futbolchilarni tayyorlaydi - bu uning ishidagi eng muhim narsa. U hammani futbol haqida bir xil fikrlashga majbur qiladi. Vaqt, makon, harakat, to‘pga egalik qilish.
U bilan maydondagi bo‘shliqni har qanday murabbiydan ko‘ra yaxshiroq tushunasan. Pep yaxshi ma’noda miyamni tozaladi. Men go‘yo universitetda o‘qigandekman.
"Manchester Siti"ga kelishdan oldin ahmoq bo‘lmaganman, lekin avval noto‘g‘ri futbol o‘ynaganimni tushundim. Agar Gvardiola bilan ertaroq uchrashganimda, men uchun hammasi osonroq bo‘lardi. U bilan ishlash nasib etganidan xursandman," - deya Daniloning so‘zlarini keltiradi City Xtra.
