Жанубий Корея миллий терма жамоалари аъзоси Парк Жонг Ву («Пусан») ФИФА томонидан қўлланилган 2та ўйиндан иборат дисквалификацияни ўтади ва у энди Ўзбекистон ва Эронга қарши ўйинларда майдонга тушиши мумкин.

Ушбу футболчи Лондон олимпиадасининг учинчи ўрин учун бўлган ўйиндаги голни миллий низо чиқариб келтириши мумкин бўлган ҳолатда нишонлаганлиги кўрсатилмоқда. У Япония терма жамоасига қарши учинчи ўрин учун баҳсда голни нишонлаш мақсадида «Токто – бизнинг еримиз!» дея ёзилган қоғозни кўтарганча стадионда югурган эди. Токто ороли Япония ва Жанубий Корея ўртасида талаш бўлаётган жой ҳисобланади.

Ҳимоячи Парк Жонг Ву агар асосий таркибда майдонга тушса, Ўзбекистон терма жамоаси таркибида 91та ўйинда майдонга тушиб, 20та гол урган Сервер Жепаровни қаттиқ қўриқлашни мақсад қилган.

"Ливанга қарши ўйинда 2 очко йўқотдик, аммо бу ўйин ҳақида фикр билдира олмайман. Ўзбекистонга қарши ўйинда эса ғалаба қозонишимиз шарт. Сервер Жепаров "Сеонгнам Ильва Чунма"да яхши ўйин кўрсатмоқда. Мен уни тўхтатиб қолишга тўла ишонаман", дейди "Пусан" ҳимоячиси.

Кей лига доирасида "Пусан" ва Сеонгнам Ильва Чунма" жамоалари ўртасидаги баҳс 7 апрель куни бўлиб ўтди ва унда пусанликлар 2:0 ҳисобида ғалаба қозонишди. Бу ўйинни Парк Жонг Ву тўлиқ ўтказган бўлса, Жепаров майдонга тушмаганди.