"Борнмут" бош мураббийи Андони Ираола "Тоттенхэм"га ўтиши билан боғлиқ сўнгги хабарларга муносабат билдирди.
"Мен ишимни иложи борича яхшироқ қилишни хоҳлайман, қаерда тугатишимизни билмайман. Агар мен уни яхши қилмасам, улар бошқа бировни топишади. Мен бу ерда, "Борнмут"да бахтлиман. Бизда биринчи марта Англия Кубоги ярим финалига чиқиш учун ажойиб имконият бор, бу шахсан мен учун ҳам, клуб учун ҳам ажойиб бўларди. Биз ўзимиздаги энг яхши даражани кўрсатишга ҳаракат қиламиз," - деди мутахассис.
Эслатиб ўтамиз, "Борнмут" 30 март куни Англия кубоги чорак финали доирасида "Манчестер Сити"га қарши баҳс олиб боради.
