Бразилия футбол федерацияси миллий жамоа бош мураббийи Доривал Жуниорни зудлик билан истеъфога чиқаришга қарор қилди, деб хабар берди инсайдер Николо Скира.
62 ёшли Доривалнинг ўрнини "Ал-Ҳилол" мураббийи Жорже Жезуш эгаллаши мумкин, 70 ёшли португалиялик билан музокаралар олиб борилмоқда.
Доривал 2024 йил бошида Бразилия терма жамоасини қабул қилган. Унинг қўл остида 16 та ўйинда жамоа 7 та ғалаба, 6 та дуранг ва 3 та мағлубият қайд этган. Умумий ҳисоб 27:21.
ЖЧ-2026 саралаш гуруҳ босқичининг 18 туридан 14 тасидан сўнг бразилияликлар 10 та жамоа ичида тўртинчи ўринни эгаллаб турибди. Улар турнирнинг финал босқичига муддатидан олдин чиққан Аргентинага икки марта ютқазди (1:4 ва 0:1).
Жезус "Ал-Ҳилол"ни 2023 йилнинг ёзида қабул қилиб олган, унинг шартномаси ёзгача мўлжалланган.
