"Бенфика" Португалия чемпионатининг 24-турида "Жиль Висенте"ни мағлуб этди - 3:0. Ўйин Барселушда "Сидаде де Барселуш" стадионида бўлиб ўтди.
Биринчи бўлим ўрталарида норвегиялик ярим ҳимоячи Фредрик Эурснес ҳисобни очди. Танаффусдан сўнг Андреа Белотти меҳмонларнинг иккинчи голига муаллифлик қилди. Ҳакам томонидан қўшиб берилган дақиқаларда Анхел Ди Мария пенальтини аниқ амалга ошириб, ҳисобни йирик кўринишга олиб келди.
"Бенфика" очколарини 62 тага етказиб, турнир жадвалида пешқадамлик қилаётган "Спортинг"га етиб олди. "Жил Висенте" эса 23 очко билан 14-поғонада бормоқда.
