Ҳужумчи Виктор Осимхенга Саудия Арабистони чемпионатидаги клублар қизиқиш билдирмоқда. Шу билан бирга, футболчининг вакиллари саудияликларга Осимхеннинг келаси мавсумда Англия Премьер-лигасида ўйнаш истаги борлиги ҳақида аллақачон маълум қилишган. Бу ҳақда TBR Football хабар бермоқда.
Қайд этилишича, Осимхен Рубен Аморим шогирдлари Чемпионлар лигаси йўлланмасини қўлга кирита олмаса ҳам, "Манчестер Юнайтед"га ўтишга тайёр бўлади. Виктор Осимхен ҳозирда "Галатасарой"да ижара асосида ўйнамоқда. 26 ёшли нигериялик футболчининг ҳуқуқлари "Наполи"га тегишли. 2024/2025 йилги мавсумда Осимхен 30 та ўйин ўтказиб, 26 та гол урган.
Аввалроқ, Осимхен "МЮ"га фақатгина "қизил иблислар" ЕЧЛга йўлланма олсагина ўтиши мумкинлиги ҳақида хабарлар тарқалганди.
