Мадриднинг "Реал" клуби форварди Килиан Мбаппе Ла Лиганинг шанба кунги "Леганес"га (3:2) қарши ўйинида дубль қайд этиб, қаҳрамонга айланди.
26 ёшли футболчи 32- ва 76-дақиқаларда ўз ҳисобига гол ёздириб қўйди: аввалига у пенальтидан "паненка" усулида зарба йўллади, кейин эса жарима зарбасидан тўпни дарвозага жойлаб қўйди. Французнинг иккинчи голи мадридликларга ғалаба келтирди.
"Барчага салом, мадридликлар, яна бир ўз уйимиздаги ғалаба, давом этамиз. Hala Madrid," - дея ҳужумчининг мухлисларга мурожаатидан иқтибос келтиради Madrid Zone.
