Кеча Англия кубогининг чорак финалида "Брайтон" "Ноттингем Форест"га пенальтилар сериясида имкониятни бой бериб қўйди. Шундай қилиб, "ўрмончилар" турнирдаги ўз юришини давом эттирадиган бўлди.
"Ноттингем" 1991 йилдан бери биринчи марта Англия кубоги ярим финалига чиқди. Ўшанда "Форест" "Вест Хэм"ни 4:0 ҳисобида мағлуб этган, финалда эса қўшимча бўлимларда "Тоттенхэм"га ютқазганди.
Шунингдек, Squawka статистик портали дарвозабон Матц Селсни ҳам эътироф этади. У ўйиндан кейинги пенальтилар сериясида рақибларининг икки зарбасини қайтарди. Шу тариқа, бельгиялик шахсан ўзи иштирок этган жорий Кубокнинг ҳар бир раундида пенальтини қайтарди - бу кетма-кет учта ўйин.
