"Милан" бош мураббийи Сержиу Консейсау Италия кубогининг биринчи ярим финалидан ўрин олган "Интер"га қарши ўйин олдидан ўз фикрларини билдириб ўтди.

"Интер" ўйинга маълум кадрлар муаммоси билан етиб келмоқда. Жароҳатлар туфайли Дензел Дюмфрис, Лаутаро Мартинес ва Меҳди Тареми майдонга тушмайди. Консейсаунинг фикрича, бу рақибнинг ҳужум салоҳиятини сусайтирмайди.

"Интер" етарлича юқори сифатли таркибга эга. Ғалаба қозониш учун нима қилишимиз мумкинлигини тушуниш учун содир бўлаётган воқеаларни таҳлил қилишимиз керак. Жамоамиз "Наполи" билан ўйиндаги каби яхши жисмоний ҳолатда. Ва биз биринчи дақиқадан сўнгги дақиқагача ўз кучимизни кўрсатиш учун шу ердамиз", - деди португалиялик мутахассис.