Todofichajes'нинг сўзларига кўра, "ПСЖ" ёзда "Барселона"нинг испаниялик ярим ҳимоячиси Гавини сотиб олишга ҳаракат қилади.
Қайд этилишича, Париж клуби футболчи учун катта таклиф тайёрлаган. Аммо "Барселона" ўз ярим ҳимоячиси билан хайрлашмоқчи эмас. Гавининг ўзи ҳам фаолиятини Каталония жамоасида давом эттириш ва унинг афсонасига айланиш ниятида эканлигини аниқ таъкидлаган.
Гави "Барселона" академиясини тамомлаган. Умуман олганда, испаниялик футболчи "блауграна" сафида 139 та ўйин ўтказган. Уларда у 9 та гол урди ва 17 та голли узатмани амалга оширди.
Футболчининг меҳнат шартномаси 2030 йилнинг ёзига қадар амал қилади. Transfermarkt Каталония клуби вакилини 70 миллион еврога баҳоламоқда.
