Лондоннинг "Арсенал" клуби афсонавий собиқ ҳимоячиси Сол Кэмпбеллнинг фикрича, Деклан Райс ҳозирда Родри ва Жуд Беллингемнинг рақобатига қарамай, дунёнинг энг яхши ярим ҳимоячиси ҳисобланади.
"Фикримча, Деклан Райс жуда кучли футболчи. Ўйлашимча, у бу позицияда "Арсенал"даги ишини жуда яхши уддаламоқда. Илгари Родрини ўз позициясида дунёнинг энг яхши футболчиси деб бемалол айтиш мумкин эди, аммо у жуда узоқ вақтдан бери майдонда эмас", - деди Кэмпбелл talkSPORT учун берган интервьюсида.
Жорий мавсумда 26 ёшли Деклан Райс "Арсенал" сафида барча мусобақаларда 41та ўйинда майдонга тушиб, 5та гол урган ва 8та голга ҳаммуаллифлик қилган.
