"Ньюкасл" ўзининг расмий сайти орқали тажрибали ҳимоячи билан шартнома узайтирилганини эълон қилди. Фабиан Шер 2026 йилнинг июн ойи охиригача мўлжалланган меҳнат шартномасини имзолади. Яъни швейцариялик шартномани яна бир мавсумга узайтирди.
Фабиан Шер узоқ вақтдан бери "Ньюкасл"да ўйнаб келмоқда. Швейцариялик 2018 йилнинг ёзида "Депортиво"дан "магпийлар" лагерига кўчиб ўтганди.
Жорий мавсумда 33 ёшли футболчи 33та ўйинда майдонга тушиб, 4та гол урди ва шеригига битта голли узатма ёздириб қўйди.
"Ньюкасл" ҳозирда Премьер-лига турнир жадвалида бешинчи ўринда бормоқда.
