"Манчестер Сити" ярим ҳимоячиси Нико Гонсалес Серхио Бускетсдан нималарни ўрганганини гапириб берди.
Испаниялик футболчилари "Барселона"да бирга ўйнашган. Нико "кўк-анорранглилар"нинг асосий таркибидан жой ололмади, шунинг учун 2023 йилда "Порту"га сотилди. Жорий йил бошида 23 ёшли футболчини "Манчестер Сити" ўз сафига қўшиб олган эди.
"Бускетс - менинг кумирим, ундан кўп нарсани ўргандим. У мен билан тез-тез суҳбатлашарди - нафақат мен билан, балки барча ёш ўйинчилар билан. У ажойиб сардор эди, шунинг учун у билан ўйнашга муваффақ бўлган ҳар бир киши ўзи учун фойдали нарса олиши мумкин эди," - дея Гонсалеснинг сўзларини келтиради "Манчестер Сити" матбуот хизмати.
