Мюнхеннинг “Бавария” клуби афсонаси Томас Мюллер ёзда жамоани тарк этади. Бу ҳақда BILD нашри ёзмоқда.
Чоршанба куни футболчи вакиллари ва клуб раҳбарияти ўртасида якуний учрашув бўлиб ўтди ва шундан сўнг “Бавария” Мюллерга янги шартнома таклиф қилмаслиги маълум бўлди.
Томас вазиятдан ҳафсаласи пир бўлди, айниқса унинг кетиши ҳақидаги маълумотлар расмий эълон қилинишидан олдин оммавий ахборот воситаларига сиздирилган.
Ҳозир томонлар ажралиш тафсилотларини, хусусан Мюллернинг 30 июн куни шартномаси тугаганидан кейин бўлиб ўтадиган клублар ўртасидаги жаҳон чемпионатидаги иштироки ҳамда хайрлашув ўйинини муҳокама қилишмоқда.













