Арне Слот жорий Премьер-лигани тарихдаги энг кучлиси деб атади.
"Ўйлайманки, лига ҳар қачонгидан ҳам кучлироқ. Бу ҳақда кўп эшитаман, чунки умуман олганда савия ошиб бормоқда. Ҳатто Пеп ҳам у яшар экан, 100 очкодан кўп очко тўплайдиган ва кетма-кет тўрт марта Премьер-лигада ғолиб чиқадиган бошқа жамоа бўлмаслигини айтди, чунки клубларда яхши ўйинчилар кўпайди.
Мен ҳам унга ўхшаб йил бўйи айтаманки, барча жамоаларда, ҳатто аутсайдерларда ҳам "Сити", "Арсенал", "Челси"да ўйнай оладиган футболчилар бор.
Топ жамоаларнинг очко йўқотишининг сабаби лига кучайиб бораётганидадир. Ҳозирда бизда жуда кўп очко борлиги биз учун илтифот бўлса керак”, - деди “Ливерпуль” устози.
30-турдан сўнг мерсисайдликлар 73 очко билан АПЛ турнир жадвалида пешқадамлик қилмоқда ва иккинчи ўриндаги "Арсенал"дан 12 очко олдинда.
