Arne Slot joriy Premyer-ligani tarixdagi eng kuchlisi deb atadi.
"O‘ylaymanki, liga har qachongidan ham kuchliroq. Bu haqda ko‘p eshitaman, chunki umuman olganda saviya oshib bormoqda. Hatto Pep ham u yashar ekan, 100 ochkodan ko‘p ochko to‘playdigan va ketma-ket to‘rt marta Premyer-ligada g‘olib chiqadigan boshqa jamoa bo‘lmasligini aytdi, chunki klublarda yaxshi o‘yinchilar ko‘paydi.
Men ham unga o‘xshab yil bo‘yi aytamanki, barcha jamoalarda, hatto autsayderlarda ham "Siti", "Arsenal", "Chelsi"da o‘ynay oladigan futbolchilar bor.
Top jamoalarning ochko yo‘qotishining sababi liga kuchayib borayotganidadir. Hozirda bizda juda ko‘p ochko borligi biz uchun iltifot bo‘lsa kerak”, - dedi “Liverpul” ustozi.
30-turdan so‘ng mersisaydliklar 73 ochko bilan APL turnir jadvalida peshqadamlik qilmoqda va ikkinchi o‘rindagi "Arsenal"dan 12 ochko oldinda.
