7-15-апрель кунлари Хитойнинг Уси шаҳрида қиличбозлик бўйича ўсмирлар ва ёшлар ўртасидаги жаҳон чемпионати бўлиб ўтади.
Дунёнинг энг кучли ёш қиличбозлари жам бўладиган мазкур мусобақада Ўзбекистон терма жамоаси аъзолари ҳам иштирок этишади.
Ҳозирда жаҳон чемпионатининг дастлабки кунларида беллашадиган спортчиларимиз Усига етиб боришган ва мусобақа олдидан сўнгги машғулотларни олиб боришмоқда. Мамлакат қиличбозлик федерациясининг маълум қилишича, дунё биринчилигида Гулистан Пердибаева, Дилназ Мурзатаева, Фернанда Эррера, Исломбек Абдазов, Муса Аймуратов каби 22 нафар ҳамюртимиз медаллар учун кураш олиб боради.
