"Манчестер Юнайтед" ярим ҳимоячиси Бруну Фернандеш дерби олдидан "Манчестер Сити" ҳақида фикр билдирди.
"Қизил иблислар" Премьер-лига 31-туридан ўрин олган "шаҳарликлар"га қарши уй учрашувини якшанба куни ўтказади.
"Иккала жамоа ҳам ёмон кунларни бошдан кечирмоқда, аммо бу барибир жуда муҳим ўйин. "Сити" аввалгидек зўр ўйнамаяпти, аммо дерби дербилигича қолмоқда. Бу икки топ жамоанинг учрашуви. Аввалроқ биз бундай ўйинларда энг юқори даражани кўрсата олишимизни исботлаган эдик.
Ўтмишда "Сити"га ҳеч ким тенг кела олмасди, ҳозир эса ҳаммаси бошқача, аммо бу барибир жуда кучли жамоа, унинг таркибида топ-футболчилар кўп," - дея Фернандешнинг сўзларини келтиради UtdDistrict.
