Миланнинг “Интер” клуби марказий ҳимоячиси Алессандро Бастони А Сериянинг шанба куни “Парма”га қарши ўйинда (2:2) алмаштирилишга мажбур бўлди.
25 ёшли футболчи “нерадзуррилар” сафида майдонга тушди, бироқ тиззасидаги муаммолар туфайли танаффусга чиқишга мажбур бўлди.
Учрашув сўнгида журналистлар Бастонининг “Бавария” билан Чемпионлар лигаси 1/4 финал ўйинига қадар тикланишга улгуриши ҳақида сўрашди.
"Умид қиламанки, хавотирланишга ҳеч қандай асос йўқдек. Сўнгги бир неча ўйинда Алессандро жуда катта босим остида эди, шунинг учун ўзгариш зарур эди", - деди Симоне Инзагининг ёрдамчиси Массимилиано Фаррис ўйиндан кейинги интервьюсида.
