Лондоннинг "Арсенал" клуби таянч ярим ҳимоячиси Жоржиньо туманли "Албион"ни тарк этиб, фаолиятини Бразилия чемпионатида давом эттириши мумкин. Бу ҳақда Todofichajes.com портали саҳифаларида маълум қилинди.
Манбага маълум бўлишича, 33 ёшли хавбекни "Фламенго" ўз сафига қўшиб олмоқчи. Жоржиньо Бразилия клубига эркин агент сифатида ўтиши мумкин. Яримҳимоячининг "канонирлар" билан амалдаги меҳнат шартномаси муддати 2025 йилнинг июн ойи охирида тугайди.
Англия чемпионатининг жорий мавсумида тажрибали ярим ҳимоячи "Арсенал" сафида 13 та жанг ўтказди. Жоржиньо бешта сариқ карточка олиб, гол ура олмади.













