Мадриднинг "Реал" клуби Чемпионлар Лигаси 1/4 финалидан ўрин олган Лондоннинг "Арсенал" клубига қарши дастлабки ўйинда мағлубиятга учради (0:3).

Журналист Хосе Алварес Хайининг маълум қилишича, "Барселона" "Реал"нинг Лондондаги муваффақиятсизлигига ижобий муносабатда бўлган. Манбанинг аниқлик киритишича, бунинг учун каталонияликларда камида иккита сабаб бор: биринчидан, "кўк-анорранглилар" мадридликларни энг нуфузли еврокубокнинг жорий мавсумидаги асосий рақобатчиларидан бири сифатида кўрмоқда, иккинчидан - энди Карло Анчелотти Ла Лиганинг "Алавес"га қарши ўйинида таркибни алмаштириши керак бўлади, шунда жамоа "Арсенал" билан жавоб ўйинига тўлиқ тайёр бўлиши мумкин.