«Борнмут» марказий ҳимоячиси Дин Хёйсен Англия Премьер-лигасининг бир қанча клублари учун асосий мақсад бўлиб қолди.
Бир вақтнинг ўзида 5 та жамоа вакиллари ёзги трансфер ойнасида футболчининг трансфери бўйича музокара олиб боришди.
Яқинда Испания терма жамоасида дебют қилган Хёйсеннинг шартномасида 60 миллион евро тўлаш банди бор ва кўпчилик буни қўллашни истайди, деб ёзади The Mirror.
«Челси», «Ньюкасл», «Тоттенхэм», «Арсенал» ва «Ливерпуль» вакиллари «Борнмут» раҳбарияти билан учрашгани айтилмоқда.
«Гилослар» президенти яқин орада келишувни якунлай олишига умид қилмоқда.
