Антонио Рюдигер "Алавес"га қарши кечган ва "қаймоқранглилар"нинг 1:0 ҳисобидаги ғалабаси билан якунланган ўйинда "Реал" асосий таркибида майдонга тушди. Натижада, германиялик футболчи Мадрид клуби сафидаги 100-ғалабасини қўлга киритди.

Рюдигер "Реал"да учинчи мавсумини ўтказмоқда, у бу мавсумларда 148 та ўйин ўтказиб, 8 та соврин қўлга киритган ва 7 та гол урган.

Унинг 100 та ғалабаси қуйидагича тақсимланган: 65 таси Ла Лигада, 21 таси Чемпионлар Лигасида, 6 таси Испания Кубогида, 3 таси Испания Суперкубогида, 2 таси УЕФА Суперкубогида ва 3 таси клублар ўртасидаги жаҳон чемпионатида. Ўтган мавсум унинг учун энг муваффақиятли бўлган - 36 ғалаба, энг кўп "Сельта"ни мағлуб этган - 6 ўйинда 6 марта.