Неймар 6 ҳафта ичида илк бор "Сантос" сафида ўйнади.

Бразилиялик футболчи сон жароҳати туфайли 42 кун майдонга туша олмаганди. "Флуминенсе"га қарши ўйин (0:1) форварднинг "Сантос"га қайтганидан кейин Бразилия чемпионатидаги илк учрашуви бўлди. У аввалроқ "Кампеонато Паулиста"да кетма-кет еттита ўйин ўтказиб, жами 508 дақиқа майдонда ўтказган. Уларда Неймар 3 та гол урди ва 3 та голли узатмани амалга оширди.

Ҳужумчи Бразилия чемпионатининг 3-турида “Флуминенсе”га қарши ўйиннинг иккинчи бўлимида захирадан майдонга тушди. У гол ура олмади, лекин сариқ карточка олди.

Учрашувнинг 90-дақиқасида Хавер ғалаба голини киритди. Ўйин охирида Неймар энг кўп қоидабузарлик қилган футболчи деб топилди.