Бельгия иккинчи лигаси ўйинида таъсирчан воқеа юз берди.
Дарвозабон Брет Стивенс шанба куни "Йонг Генк" сафида профессионал дебют қилди. Бироқ, бир ҳафта олдин 21 ёшли йигит узоқ давом этган касаллик натижасида вафот этган отаси билан хайрлашишга мажбур бўлди.
"Льеж" жамоасига қарши ўйинда дарвозабон пенальтини қайтарди, шундан сўнг мухлислар қарсаклар чалишди. Учрашув якунида футболчини ҳаттоки рақиб жамоа мухлислари ҳам илиқ қучоқлашди.
Шунингдек, ўйин бошланишидан олдин бир дақиқалик сукут сақланди. Het Nieuwsblad нашрига берган интервьюсида Стивенс шундай деди: "Дебютга рухсат берилганини эшитганимда хурсанд бўлдим, лекин барибир ўзимда аралаш туйғулар бор эди. Дадам ўйнашимни хоҳларди. "Льеж" футболчилари ва мухлислари ўйиндан олдин ва кейин кўрсатган нарса барча кутганларимдан ошиб кетди. Улар катта ҳурмат кўрсатдилар. Бу футболда ҳамма нарса бошқача бўлиши мумкинлигини кўрсатади. Льеж аҳолисига раҳмат".
