"Арсенал" бош мураббийи Микель Артета "Реал"га қарши Чемпионлар лигаси 1/4 финал жавоб ўйинидан олдинги фикрлари билан ўртоқлашди.
"Камбэк ҳақида гапириш? Мен бу уларнинг тарихининг бир қисми эканлигини тушунаман ва улар бундай сценарийлар ҳақида гапиришга ҳақли.
Бизда ҳамма нарса бошқача. Бизнинг ўз фикрлаш тарзимиз, тайёргарлигимиз ва ўйиннинг муҳим жиҳатларида қандай қилиб улардан яхшироқ бўлишимиз ҳақида фикрларимиз бор" - деди Артета.
Учрашув бугун, 16 апрель куни бўлиб ўтади. Биринчи ўйин 3:0 ҳисобида лондонликлар фойдасига ҳал бўлганди.
