Букайо Сака "Реал"га қарши ўйинда пенальтидан унумли фойдалана олмади.
Чемпионлар лигаси чорак финалининг 9-дақиқасида "Арсенал" бурчакдан тўпни ўйинга киритди. Мадридликлар ҳимоячиси Рауль Асенсио Микель Мерино билан позиция учун курашда уни майдонга йиқитди, аммо бош ҳакам Франсуа Летексье аввалига бу эпизодга муносабат билдирмади.
Фақат бир дақиқадан сўнг ҳакам ўйинни тўхтатди ва такрорни кўришга кетди, шундан сўнг ўн бир метрлик жарима белгилади.
13-дақиқада вингер Букайо Сака ўзидан чап томондаги бурчакка паненкага ўхшаш зарба берди, аммо дарвозабон Тибо Куртуа уни қайтарди.
