"Интер" ҳимоячиси Бенжамен Павар Чемпионлар Лигаси ярим финалига чиқиш масаласига изоҳ берди. Чорак финалда унинг жамоаси "Бавария"дан устун келди. Германиядаги дастлабки учрашув "нерадзуррилар"нинг 2:1 ҳисобидаги ғалабаси билан якунланган бўлса, Миланда рақиблар 2:2 ҳисобидаги дурангга имзо чекишди. Ярим финалда "Интер" "Барселона" билан куч синашади.
"Биз тишларимизни ғичирлатиб, сабр қилдик. Ҳимояда яхши ўйнаш муваффақиятга эришиш калити бўлишини билардик. Вазифамизни жуда аъло даражада бажардик. Шунча узоқ йўлни босиб ўтганимиздан кейин, энди ўзимизга ҳеч қандай чеклов қўймаймиз. Давом этишни истаймиз. Бизда ажойиб жамоа бор, икки йилдан буён биз билан самарали ишлаб келаётган зўр мураббийларимиз бор," - деб келтиради Паварнинг сўзларини УEФА расмий сайти.
