Миланнинг "Интер" клуби марказий ҳимоячиси Янн-Аурель Биссекк яқинлашиб келаётган трансферлар даврида сотиб юборилиши мумкин.
24 ёшли футболчи жорий мавсумда "нерадзуррилар"нинг асосий таркибида анча тез-тез майдонга туша бошлади. Футболчига бўлган талаб ортиб бормоқда ва у яқинда Германия терма жамоаси сафида дебют қилди. Fcinter1908 хабарига кўра, "Интер" келаси ёзда Биссекни сотиш учун очиқ. Клуб ўзига жалб қилувчи таклиф тушса, қўшимча фойда олиш учун марказий ҳимоячини бажонидил қўйиб юборади.
Transfermarkt портали Янн-Аурель Биссеккнинг нархини 30 млн еврога баҳоламоқда. Немиснинг Италия гранди билан шартномаси 2029 йилнинг ярмигача мўлжалланган.
