Лондоннинг "Арсенал" клуби ҳужумчиси Леандро Троссард "Кристал Пэлас" билан дурангдан сўнг (2:2) ЕЧЛ доирасидаги "ПСЖ" билан ўйинлар ҳақида ўз фикрларини билдирди.
"Ўйлайманки, ҳамма бу ўйинни интизорлик билан кутмоқда. Бизда ҳозир тайёргарлик учун олти кун бор, шунинг учун яхшилаб дам олишимиз ва пухта тайёргарлик кўришимиз лозим. Барча ўйинчилар руҳан тайёр бўлади деб ўйлайман. Ўз майдонимиздаги мухлисларнинг қўллаб-қувватлаши билан муҳит электрланган бўлиши керак - бу бизни олдинга ундайди.
Ўтган сафаргидек бўлишини хоҳлаймиз, чунки "Реал"га қарши ўйинда мухлислар ажойиб эди. Агар улар буни яна такрорлашса, бу ғоят зўр бўлади," - деди Троссард.













