Саудия Арабистонининг "Ал-Ҳилол" клуби раҳбарияти ҳозирда Мадриднинг "Реал" клубида тўп тепаётган бразилиялик ҳужумчи Винисиус Жуниорни ўз жамоасида кўришни истамоқда. Бу ҳақда Sports Zone хабар бермоқда.
Журналистлар маълумотига кўра, Саудия клуби 24 ёшли ҳужумчининг вакиллари билан алоқага чиққан. "Ал-Ҳилол" ушбу келишув учун рекорд даражадаги 800 миллион евро сарфлашга тайёр. Бу суммага ҳужумчининг трансфер қиймати, маоши ва бонус тўловлари киритилади. Шу билан бирга, бразилияликнинг ўзи фаолиятини "қироллик клуби"да давом эттиришга кўпроқ моил.
Винисиуснинг "Реал" билан шартномаси 2027 йилнинг ярмигача мўлжалланган. Футболчининг трансфер нархи 200 миллион еврога баҳоланмоқда.
