"Ювентус" ҳужумчиси Душан Влахович яқин трансфер ойнасида сотувга қўйилади.
Бироз аввал хабар берилганидек, форвард келаси йилнинг ёзида якунига етадиган шартномани узайтириш ниятида эмас. Инсайдер Фабрицио Романонинг маълум қилишича, "Ювентус" Влаховични бир йилдан кейин текинга қўлдан чиқармаслик учун уни яқинлашиб келаётган трансферлар даврида сотиб кўради. Турин клуби аллақачон сербиялик футболчига ўринбосар қидирмоқда.
"Transfermarkt" портали Душан Влаховичнинг нархи 45 млн еврога баҳоланмоқда. 25 ёшли футболчи жорий мавсум "Бьянконерилар" сафида 38 та ўйинда 14 та гол ва бешта ассистга муаллифлик қилган.
