"Интер Майами" КОНКАКАФ Чемпионлар кубоги 1/2 финал жавоб ўйинида "Ванкувер"га ютқазди - 1:3. Ўйин Форт Лодердейлдаги "Чейз Стэдиум"да бўлиб ўтди.
Учрашувнинг 9-дақиқасида "қирғийлар" ҳимоячиси Жорди Альба ҳисобни очди. Иккинчи бўлим бошида меҳмонлар икки дақиқа ичида иккита гол уриб, ҳисобда олдинга чиқиб олишди. 71-дақиқада Себастьян Берхалтер канадаликларнинг учинчи голига муаллифлик қилди.
Биринчи ўйинда ҳам "Ванкувер" ғалаба қозонган (2:0), шунинг учун Канада жамоаси финалга чиқди ва у ерда "Крус Асул" - "Тигрес" жуфтлиги ғолиби билан тўқнаш келади (биринчи ўйин - 1:1).
