Испания терма жамоасининг энг машҳур мухлиси Маноло вафот этди.
Маноло нафас олиш муаммоси билан касалхонада бир неча кун ётиб, 76 ёшида вафот этди.
Манолонинг сўнгги марта омма олдида чиқиши март ойининг охирида Испаниянинг Нидерландияга қарши ўйинида бўлган.
Эркак 1982 йилда Испания мезбонлик қилган жаҳон чемпионати вақтида терма жамоани қўллаб-қувватлай бошлаган. Ўшандан бери испаниялик 10 та жаҳон чемпионати ва саккизта Европа чемпионатида иштирок этган.
Маноло "Эль дель Бомбо" (барабанчи) лақабини олди, чунки у ўйинларда катта барабан билан қатнашарди.
Испания терма жамоаси, Ла Лига, қатор Испания клублари ва ижтимоий тармоқлардаги бошқа футбол аккаунтлари Манолонинг оила аъзолари ва яқинларига ҳамдардлик билдиришган.
