Харри Кейн фаолиятидаги илк совринни 31 ёшида қўлга киритди.
Англиялик форвард "Бавария" таркибида Германия чемпионига айланди. У клубдаги иккинчи мавсумини ўтказмоқда.
Кейн аввал "Тоттенхэм"да 12 мавсум ўйнаган, бироқ Англия Премьер-лигаси, ички ёки халқаро кубок мусобақаларида ғолиб чиқмаган. Унинг ҳисобида Премьер-лиганинг 320 ўйинида 213 та гол бор.
Шунингдек, ҳужумчи Англия терма жамоаси таркибида ҳеч қандай совринга эга эмас. Энг яхши натижа – икки Европа чемпионати финали (2021 йилда Италия билан 1:1, 2:3, 2024 йилда Испания билан 1:2). Кейн Англия терма жамоаси сафида 105 та учрашувда 71 та гол урган.
