"Челси" ҳужумкор ярим ҳимоячиси Коул Палмер жамоанинг жорий мавсумдаги энг яхши ўйинчиси ким эканини айтди.
Англиялик ярим ҳимоячи Мойсес Кайседонинг хизматларини эътироф этди. Эквадорлик футболчи якшанба куни "Ливерпуль"га қарши ўйинни тўлиқ ўтказиб, "кўклар"нинг 3:1 ҳисобидаги ғалабасига ҳисса қўшди.
"Кайседо - бу мавсумдаги энг яхши ўйинчимиз. У билан ўйнаш - орзу. У доим рақиблардан тўпни олиб қўяди, у ҳамма билан мулоқотда камтар ва ёқимтой, уни бу ерда жуда яхши кўришади," - дея Коул Палмернинг сўзларини келтиради журналист Фабрицио Романо.
