Суперлига 8-тур ўйинларидан кейин "Footy Rankings" мавсум якунлари бўйича ўз тахминларини бироз ўзгартирди.

Хусусан, "Насаф" "Хоразм"га қарши ўйинда очко йўқотиб, ОКМК суперкамбэк эвазига ғалаба қозониб, жадвалда 1-ўринга кўтарилиб олгач, бу жамоаларнинг чемпионлик учун имкониятлари қуйидаги ўзгарди:

51% — "Насаф" (7-турдан кейинги тахминга нисбатан имконият 10% га пасайди);
39% — ОКМК (+12% га кўтарилди)

Шунингдек, чемпионлик учун курашга янги жамоа қўшилди — "Нефтчи" — 5%.

Суперлига тарк этишга энг асосий даъвогар "Шўртан"нинг бу борадаги "имконияти" янада ошди 76% (+12%).

Бундан ташқари, "Пахтакор" "Сурхон"га қарши ўйинда ютқазиб қўйгач, клуб Суперлигада қолиш учун плей-офф босқичида иштирок этиши мумкин бўлган жамоалар сафига киритилди.

Суперлигада қолиш учун плей-оффига тушиш эҳтимоли:

73% — "Бухоро" (+10%)
65% — "Машъал" (-1%)
62% — "Хоразм" (+3%)
48% — "Қўқон-1912" (-9%)
31% — "Қизилқум" (-12%)
27% — "Андижон" (+10%)
26% — "Сурхон" (-10%)
22% — "Сўғдиёна" (+11%)
8% — "Пахтакор" (янги)
6% — "Динамо" (-3%)

"Footy Rankings" бу тахминларни қандай ҳисоблайди? Мутахассислар бир мавсум давомида барча ўйинларда қайд этилиши мумкин бўлган натижаларни олдиндан махсус дастурга киритиб чиқиб, якуний башоратни эълон қилади. Бунда жамоаларнинг ҳозирги савияси, аввалги йилларда қайд этган натижалари ва бошқа факторларни инобатга олади.