Ханси Флик бошчилигидаги “Барселона” жамоаси Чемпионлар Лигаси ярим финалида “Интер”га мағлуб бўлиб, мусобақани тарк этди. Икки учрашув натижаларига кўра — 3:3 ва 3:4 — каталонияликлар финалсиз қолишди.
“Блауграна” охирги марта 2015 йилда Чемпионлар Лигасини қўлга киритган ва айнан ўша финалда сўнгги марта иштирок этган эди. Ундан бери жамоа 10 йилдирки, ЕЧЛ финалига чиқа олмаяпти.
“Интер” эса 31 май куни Мюнхенда бўлиб ўтадиган ҳал қилувчи баҳсда “ПСЖ” ёки “Арсенал” жамоаларидан бирига қарши майдонга тушади.
