Ханси Флик бошчилигидаги “Барселона” жамоаси бугун Чемпионлар Лигаси ярим финалида “Интер”га мағлуб бўлиб, мусобақани тарк этди. Шу билан каталонияликлар мавсумда тўртта соврин — квадруплга эришиш имконидан маҳрум бўлишди.
Аввалроқ “Барса” Испания Кубоги ва Суперкубогини қўлга киритганди. Ла Лиганинг якунланишига тўрт тур қолган бир пайтда, жамоа “Реал”дан тўрт очкога олдинда пешқадамлик қилмоқда.
Шу билан бирга, “Барселона” энди классик требль — миллий чемпионат, мамлакат кубоги ва Чемпионлар Лигасида бир мавсумда ғалаба қозониш ютуғидан ҳам четда қолди.
