"Барселона" ҳужумчиси Рафинья "Реал"га қарши ўйинда (4:3) дубль муаллифига айланди. Учрашувдан сўнг у кўпроқ гол уриши мумкин бўлганини айтди.
"Мен кўпроқ гол уришим мумкин эди. Қўлдан чиқаришга ҳаққим бўлмаган учта имкониятни бой бердим. Ўзимга қўйган талабларим жуда юқори. Мен голлардан кўра хатолар ҳақида кўпроқ ўйлайман. Жамоага ёрдам берганим учун хурсандман, аммо ўзимни энг яхши ўйинчи деб ҳисобламайман", - деди бразилиялик футболчи.













