Райан Гиггз "Манчестер Юнайтед"дан Бруно Фернандешнинг кетишига қарши.

Хавбекка Саудия Арабистонининг "Ал-Ҳилол" клуби қизиқиш билдираётгани хабар қилинганди.

"Ҳеч бир футболчи клубдан устун бўлолмайди, аммо ҳозир у ўзига хос ўйинчи, у сардор. Айнан у ўйинларда ўзига хос нимадир яратади ва ҳозирда у (МЮнинг бошқа ўйинчиларидан) бир бош баланд.

Ҳозир уни йўқотиш ақлга сиғмасди, чунки уни жамоадаги қолганлар билан солиштирадиган бўлсак, у клубда пайдо бўлганидан бери барқарор кўрсатиб келаётган жиҳатлари бўйича ер билан осмонча.

У доим формада, доим тўпга чанқоқ. Унинг камчиликлари бор, лекин кучли фазилатлари кучсизларидан устун туради. У ажойиб футболчи," - деди "МЮ"нинг собиқ футболчиси.