Рафинья Испания чемпионатининг 36-турида “Эспаньол” устидан қозонилган ғалаба ҳақида фикр билдирди. “Кўк-анорранглилар” 2:0 ҳисобида ғалаба қозониб, муддатидан аввал Ла Лига чемпионига айланишди.
"Мен учун бу Испаниядаги иккинчи чемпионлик. Мен жуда хурсандман ва кўпроқ ғалаба қозонишни истайман. "Барселона" либосида мен барча ички совринларни қўлга киритдим. Энди биз еврокубокларда ғалаба қозонишимиз керак. Биз бу мавсумда бунга яқин эдик. Келгуси йил буни амалга оширишга ҳаракат қиламиз", - деди бразилиялик футболчи.
Мавсум тугашига икки тур қолганида “Барселона” “Реал”дан 7 очкога олдинлаб кетди.
